Nánari lýsing

Allar upplýsingar um hvernig þetta mun fara fram má finna á humanurehandbook.com og tengdum síðum. Upphaflega var ég að plana gefa frítt eintak af bókinni með áskrift en ég býst við það nægi að deila [þessu hefti](http://humanurehandbook.com/downloads/HumanureManual2019.pdf) útprentuðu til að fólk skylji hvað um er að ræða.

Ég þarf þó líklega að taka það fram sérstaklega að það er ekki að fara vera kúkalykt heima hjá þér. Settu fordómana á hilluna og nálgastu þetta með smá forvitni.

Hvað varðar klósettnotkun þá er nákvæmlega engin munur á notendaupplifun nema það skvettist ekki vatn á þig og þú hefur enga afsökun fyrir því að setja alskyns hræðilega hluti í klósettið og sturta svo niður á einhvern annan sem þarf að eiga við skólpið (reyndar er engin að gera neitt í neinu skólpi virðist vera miðað við skýrslur umhverfisstofnunar þannig þesskonar hegðun bitnar á okkur öllum).

Þessi breyting á lífsvenjum er óumflýjanleg því ef ein manneskja setur stíflueyði í klósettið þá er allt skólpið mengað, þannig jafnvel þó þú ráðist í það rándýra ferli að ætla þurrka skólpið og hreinsa affallsvatnið svo að þú getir haugað þurrefninu þá er núna eitur í því þannig þú endar með eitraðan jarðveg. Þetta kemur allt fram í humanure handbook ásamt áratugum af vísindagreinum sem styðja það að einfaldasta og öruggasta leiðin til að endurvinna kúk er moltugerð.

Þetta er ekkert stórmál. Ég skal koma í hverri viku og safna skömm þinni og við getum saman farið að axla smá ábyrgð á skólpmálum á íslandi.

Fjármagn fer í að skrá fyrirtæki og finna land undir hauginn (endilega hafið samband ef þið hafið land undir hauginn - það er ekki vond lykt af honum!). Starfsemi verður á höfuðborgarsvæðinu til að byrja með en sumarbústaðarfólk getur tekið fötur með sér heim í borgina til að farga (eða búið til eigin haug hjá bústað og notað til að hita t.d. sturtu).

Hagnaður af rekstri fyrirtækisins mun fara í þróun á datalisp sem er mun flóknara að útskýra (ég er stærðfræðinemi og forritari, stutt útskýring á datalisp er hér og meira má finna hér en vefsíðan datalisp.is er ekki tilbúin eins og er).

Ég hef séð fyrir mér, ef vel gengur, að ráða unglinga með lítið annað en bílpróf í vinnu sem forritara (þarft augljóslega smá áhuga á forritun líka). Við skiptum þá með okkur ábyrgðinni á kúknum og höfum þá nægan tíma til að föndra datalisp, þetta gefur ungmennunum sjálfsöryggi (vinnan er kúkurinn) og starfsframa (allur hugbúnaður sem við þróum er frjáls hugbúnaður svo það er auðvelt að sýna hvað þú hefur gert og á endanum sannfæra annan vinnuveitanda um að gefa þér betra starf) án þess að vera með menntaskólapróf eða aðra sönnun á tilvistarrétt í fullorðins samfélaginu.

Haugur og datalisp eru partur af verkefninu uppreisn.is sem mun líka koma í loftið fljótlega. Uppreisnin fellst í því að endurskoða venjur sem eiga sér ekki við stoð að styðjast í sameiginlega raunveruleikanum.